spot_img
Thursday, October 6, 2022
spot_img

-

ہومLatest Newsاے آر وائی کی نشریات بحال؛ چینل اب شہباز گل کو کسی...

اے آر وائی کی نشریات بحال؛ چینل اب شہباز گل کو کسی پروگرام میں نہیں بلائیگا

- Advertisement -
- Advertisement -

بدھ کے روز سندھ ہائی کورٹ میں اے آر وائے نیوز انتظامیہ کی جانب سے دائر کردہ درخواست پر سماعت کے بعد عدالت نے عبوری حکم جاری کرتے ہوئے کہا ہے کہ پیمرا کی جانب سے واضح کیا گیا کہ چینل کو بین نہیں کیا گیا اور نا ہی کسی کیبل آپریٹر کو چینل ہٹانے کا کہا گیا۔

واضح رہے کہ اے آر وائے کی نشریات گذشہ روز اس وقت بند ہو گئی تھیں جب ایک شو کے دوران چیئرمین تحریک انصاف کے چیف آف سٹاف شہباز گل کی جانب سے ایک متنازع بیان دیا گیا جس پر ان کے خلاف بغاوت کا مقدمہ درج کیا گیا اور ان کو گرفتار بھی کیا گیا۔

اے آر وائے کے سی ای او، نیوز ڈائریکٹر اور چند اینکرز کے خلاف بھی کراچی میں مقدمہ درج کیا گیا ہے۔

عدالت میں سماعت کے دوران پیمرا کی جانب سے پیش ہونے والے وکیل کاشف حنیف نے موقف اختیار کیا کہ پیمرا نے چینل کو قانون کے تحت شو کاز نوٹس دیا ہے۔

عدالت نے حکمنامے میں کہا کہ چینل کو وقت ضائع کیے بغیر بحال کیا جائے، جبکہ اے آر وائے کو شو کاز نوٹس کا جواب دینے کے لیے وقت میں بھی 15 اگست تک توسیع کر دی ہے۔

عدالت نے حکمنامے میں لکھا کہ اے آر وائے نے یقین دہانی کرائی ہے کہ عدالت کی جانب سے حتمی فیصلے تک شہباز گل کو چینل پر نہیں بلایا جائے گا اور ایسی شخصیات کے معاملے میں انتہائی احتیاط سے کام لیا جائے گا جو ایسے کلمات ادا کر سکتے ہیں جن کی بنا پر پیمرا ایسا ہی شوکاز نوٹس پھر جاری کر سکتا ہے۔

یاد رہے کہ اے آر وائے نیوز کی انتظامیہ نے اپنے چینل پر تحریک انصاف کے رہنما اور عمران خان کے چیف آف سٹاف شہباز گل کے بیان کی مذمت کرتے ہوئے کہا ہے کہ ان کا ادارہ ’فوج کے خلاف کسی مہم کا حصہ نہیں۔‘

’شہباز گل کے بیان کی مذمت کرتے ہیں، یہ ہمارے لیے سرپرائز تھا‘

گذشتہ روز اے آر وائے کے اینکر کاشف عباسی نے اپنے شو کے آغاز میں چینل کی انتظامیہ اور سی ای او سلمان اقبال کا موقف پیش کرتے ہوئے بتایا تھا کہ ‘اے آر وائے شہباز گل کے بیان کی مذمت کرتا ہے۔ اے آر وائے ادارے کے طور پر کبھی بھی عدلیہ یا فوج کسی ادارے کے خلاف مہم کا حصہ نہ بنا ہے اور نہ آئندہ بنے گا۔’

’شہباز گل کے بیان کی مذمت کرتے ہیں، یہ ہمارے لیے سرپرائز تھا‘

گذشتہ روز اے آر وائے کے اینکر کاشف عباسی نے اپنے شو کے آغاز میں چینل کی انتظامیہ اور سی ای او سلمان اقبال کا موقف پیش کرتے ہوئے بتایا تھا کہ ‘اے آر وائے شہباز گل کے بیان کی مذمت کرتا ہے۔ اے آر وائے ادارے کے طور پر کبھی بھی عدلیہ یا فوج کسی ادارے کے خلاف مہم کا حصہ نہ بنا ہے اور نہ آئندہ بنے گا۔’

- Advertisement -

Related articles

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts