spot_img
Tuesday, August 9, 2022
spot_img

-

ہومLatest Newsوزیراعلیٰ پنجاب کا انتخاب، چوہدری شجاعت کا پرویز الٰہی کی حمایت کا...

وزیراعلیٰ پنجاب کا انتخاب، چوہدری شجاعت کا پرویز الٰہی کی حمایت کا اعلان

- Advertisement -
- Advertisement -

پنجاب کی وزارت اعلیٰ کے انتخاب میں اپنی حمایت کے حوالے سے مسلم لیگ ق کے سربراہ چوہدری شجاعت کا بیان سامنے آ گیا ہے۔

پنجاب کی وزارت اعلیٰ کے لیے 22 جولائی کو ہونے والے انتخاب سے قبل چوہدری شجاعت پاکستانی سیاست میں مرکز نگاہ بنے ہوئے ہیں اور چوہدری پرویز الٰہی کے وزیر اعلیٰ بننے یا حمزہ شہباز کے وزیراعلیٰ برقرار رہنے کا دارومدار چوہدری شجاعت کے فیصلے پر ہے۔

تاہم اب پنجاب کی وزارت اعلیٰ کے حوالے سے چوہدری شجاعت نے بھی واضح کر دیا ہے کہ پنجاب کی وزارت اعلیٰ کے لیے ان کے امیدوار چوہدری پرویز الٰہی ہیں۔

چوہدری شجاعت حسین کا کہنا ہے کہ جن کو مینڈیٹ ملا حکومت کرنا ان کا حق ہے، ایک بار نہیں دو تین بار پہلے بھی یہی بات کہہ چکا ہوں، مجھے صفائی پیش کرنے کی کوئی ضرورت نہیں۔

سربراہ ق لیگ نے کہا کہ ملکی مسائل کا حل اسی میں ہےکہ گنتی کے چکروں سے باہر نکلا جائے اور غریب آدمی کے مسائل کی طرف توجہ دی جائے، جو غریبوں کے مسائل حل کرنے میں کامیاب ہو گا حقیقی معنوں میں اسی کی گنتی پوری ہو جائے گی۔

انہوں نے مزید کہا کہ جو منتخب ہوئے ہیں وہ عوام کی خدمت کریں، اس فکرمیں نا پڑیں کہ ایک دوسرے کو کیسے نیچے دکھانا ہے، ملکی مسائل کا حل اسی میں ہے کہ سال ڈیڑھ سال حکومت کا موقع ملنا چاہیے یا فوری انتخابات ہوں، فوری انتخابات سے مراد فوری ہیں مہینوں میں نہیں۔

- Advertisement -

Related articles

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts