spot_img
Thursday, October 6, 2022
spot_img

-

ہومLatest Newsکراچی سمیت ملک کے بیشتر علاقوں میں شدید بارشوں کی پیشگوئی

کراچی سمیت ملک کے بیشتر علاقوں میں شدید بارشوں کی پیشگوئی

- Advertisement -
- Advertisement -

محکمہ موسمیات نے کراچی سمیت ملک  کے دیگر علاقوں میں موسلا دھار بارشوں کا امکان ظاہر  کیا ہے جس سے نشیبی علاقے زیر آب آنے اور پہاڑی علاقوں میں لینڈ سلائیڈنگ کا خدشہ ہے۔

چیف میٹرولوجسٹ کے مطابق  ہواکاکم دباؤ وسطی بھارت میں ہے جس کے باعث کراچی سمیت مشرقی سندھ میں 18 اگست تک تیزبارش کا امکان ہے،کراچی میں17 اور 18 اگست کو شدید بارش ہوسکتی ہے جس سے شہر میں اربن فلڈنگ کا خدشہ ہے۔

انہوں نے بتایا کہ بالائی سندھ میں 19اگست تک بارشوں کاامکان ہےجب کہ 23 یا 24 اگست کو مون سون کا ایک اورسسٹم سندھ پر اثرانداز ہوسکتاہے۔

’23 یا 24 اگست کو مون سون کاایک اورسسٹم سندھ پر اثرانداز ہوسکتا ہے‘

موسلادھار بارشوں  کی وجہ سے سندھ میں تھرپارکر، عمر کوٹ، نواب شاہ ، ٹھٹھہ، بدین، حیدرآباد، سکھر، لاڑکانہ اور میرپورخاص میں نشیبی علاقے زیر آب آنے کا اندیشہ ہے۔

دوسری جانب محکمہ موسمیات کے مطابق بلوچستان میں 21 اگست تک وقفے وقفے سے تیز بارشوں کا امکان ہے جس کے تحت کوئٹہ، سبی اوراطراف میں شدید بارش کا امکان ہے۔ اس کے علاوہ بارکھان، سبی، ژوب ،قلات، پنجگور،گوادر اور لسبیلہ میں چند مقامات پر آج موسلا دھار بارش کا امکان ہے۔

پنجاب  میں سیالکوٹ،  مری، فیصل آباد،لاہور اور گوجرانوالہ میں بارشوں سے نشیبی علاقے زیر آب آنے کا  خطرہ ہے جب کہ خیبرپختونخوا میں پشاور، نوشہرہ، مردان، بنوں، دیر، خیبر، باجوڑ، چارسدہ، لکی مروت، ڈی آئی خان  اور گلیات میں شدید بارشوں سے لینڈ سلائیڈنگ کا خدشہ ہے۔

گلگت بلتستان میں چلاس، استور اور اسکردو میں موسلا دھار بارشوں کے باعث ندی نالوں میں طغیانی کا خطرہ  ہے۔

- Advertisement -

Related articles

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts