spot_img
Thursday, August 18, 2022
spot_img

-

ہومکالمزآج کے کالمزآپ کا دن کیسا گزرے گا؟ | اسپیڈ 92 نیوز

آپ کا دن کیسا گزرے گا؟ | اسپیڈ 92 نیوز

- Advertisement -
- Advertisement -

آپ کا دن کیسا گزرے گا؟

برج جدی آج کا دن کیسا گزرے گا

آج دن کے آغاز میں ہی آپ کسی بھی نئے کام کی شروعات کرنے کے لئے بہت پرعزم اور پرجوش ہوں گے جبکہ کسی ایسے پرانے کام کا سلسلہ پھر سے شروع ہونے کے امکانات واضح ہیں جنہیں بہت عرصہ قبل آپ مکمل کر چکے تھے۔آج اپنے معمولات کو انجام دینے میں آپ کو دوسروں سے مشاورت کی بجائے اپنے وجدان پر ہی بھروسہ اور اعتماد کرنا چاہئے۔یوں تومنزل کو حاصل کرنے کی تمنا ہر دل میں موجود ہوتی ہے مگر اس کیلئے درکار محنت اور جذبہ ہر کسی میں نہیں ہوتا ۔کوئی اپنے ارادے توڑ کر ہمت ہار جاتا ہے ،کسی کے پاس یقین نہیں ہوتا اور کوئی اپنے اندیشوں سے مار کھا جاتا ہے۔ مگر آپ کی طرح ہر کوئی کامیابی حاصل نہیں کر پاتا۔(اسٹرالوجی۔10جون ،2022ء)

برج دلو آج کا دن کیسا گزرے گا

آج دوسروں سے بات چیت کے دوران آپ پر چھائی ہوئی قنوطیت اور ماحول سے بیزاری کے جذبات آپ کو باور کرا دیں گے کہ آپ کے لئے ایسے ماحول میں کام کرنا کتنا مشکل اور تکلیف دہ ہے۔کسی ایسے اہم کام کو ملتوی کرنا بہترہو گا جس میں آپ کو نہ صرف اپنے جذبات پر قابو رکھنا ہوگا بلکہ اس منصوبے یا کام کا جائزہ بہت گہرائی سے لینے کی ضرورت بھی ہوگی۔اگر آپ کو اپنے پیاروں کی ضروریات اور جذباتیت پر توجہ دینے کا موقع مل سکے تو آپکا وقت بہت خوشی میں گزر سکے گا۔ اپنی مالی حالت کے بارے میں دوسروں کے مشورے نظر انداز نہ کریں اور نہ ہی کسی لالچ میں اپنی جمع پونجی ضائع کرنے کی کوشش کریں بلکہ احتیاط سے کام لیں۔(اسٹرالوجی۔10جون ،2022ء)

برج حوت آج کا دن کیسا گزرے گا

آج اپنے پیاروں کی باتوں کو دھیان سے سنیں اور دل جمعی کے ساتھ اس پر عمل کرنے کی کوشش بھی کریں۔یقینی طور پر آپ کو اس میں فائدہ مل سکے گا۔اگر آپ تمام الجھنوں سے نجات چاہتے ہیں تو اپنے معمولات میں ہی اپنے آپ کو مصروف رکھیں۔اس بات کو یاد رکھیں کہ عقل ودل، توہمات، جذبات ،دکھ اور سکھ کی آپس میں جتنی قربت ہے اسی قدر ان سب کیفیات کی آپس میں کشمکش بھی جاری رہتی ہے۔اپنے لئے بہتر راستے کا انتخاب آپکے ہاتھ میں ہوگا جبکہ مجموعی طور پرآپ کو اپنے معمولات کی ادائیگی کے دوران مزید ذمہ داریوں کو قبول کرنے سے گریز کرنا چاہئے کیونکہ آج آپ کی توانائی مکمل طور پر بحال نہ ہونے سے مشکل پیدا ہو سکتی ہے۔(اسٹرالوجی۔10جون ،2022ء)

برج حمل آج کا دن کیسا گزرے گا

آج غیر متوقع حالات و واقعات کی وجہ سے آپ کا پروگرام بار بار تبدیل ہو کر آپ کو ذہنی انتشار کا شکار بنا سکتا ہے لہٰذا اپنا شیڈول بہت زیادہ مصروفیات والا نہ بنائیں ورنہ آپ کے لئے مشکل ہو جائے گی۔اس کے علاوہ بہت سی خفیہ رکاوٹیں سامنے آنے کی وجہ سے آپ اپنے گھر سے بھی لیٹ ہو سکتے ہیں جس کی بناء پر آپ کی شریک حیات ذہنی طور پر پریشان ہوکر آپ کے ساتھ بحث و تکرار میں بھی الجھ سکتی ہے۔آج اپنے آپ کو اتنا مضبوط بنا لیں کہ اگر کوئی مر نے کی دھمکی دینے کی کوشش کرے یا اسی طرح کا کوئی اور عمل شروع کر دے تو آپ اس کی ہمدردی میں اپنے منصوبوں کا بیڑا غر ق کرنے سے اپنے آپ کو بچا پائیں۔(اسٹرالوجی۔10جون ،2022ء)

برج ثور آج کا دن کیسا گزرے گا

آج آپ کے ساتھ کام کرنے والے افراد آپ کے نظریات سے متفق نہیں ہوں گے کیونکہ ان کا شکوہ ہوگا کہ اصل میں آپ ان کی باتوں کو سمجھ ہی نہیں پائے اور نہ ہی انہیں اپنی باتوں سے قائل کر سکے ہیں۔آج اپنے قریبی افراد کے علاوہ اپنے خاندان کے کسی بزرگ فرد سے بحث و تکرار کی نوبت نہ آنے دیں اور اگریہ کیفیت آپ پر حاوی ہو گئی تو پھر اپنے آپ کو بچانا مشکل ہو جائے گا۔ خود کو اپنے طے کردہ فیصلوں کا پابند بنائیں ورنہ شتر بے مہار کی طرح ادھر اُدھر بیکار بھاگم دوڑ کے لئے تیار رہیں۔ آج صبح سے ہی آپ کا گھریلو ماحول ضرورت سے زیادہ کشیدہ ہونے کی وجہ سے آپ کا موڈ بھی خراب ہو سکتا ہے لہٰذا محتاط رہیں۔(اسٹرالوجی۔10جون ،2022ء)

برج جوزا آج کا دن کیسا گزرے گا

آج اپنے اہم اہداف کی تکمیل میں ناکامی کی وجہ سے آپ کو اپنے سینئر افراد کی جانب سے ڈانٹ ڈپٹ سننی پڑ سکتی ہے۔اصل میں یہ آپ کا قصور نہیں ہوگا بلکہ ان تک آپ کی اصل بات پہنچی ہی نہ سکے گی۔اس میں آپ کی خاموشی کے علاوہ آپ کے حاسدین کی خفیہ ریشہ دوانیوں کا بھی اہم حصہ ہو سکتا ہے۔آپ کو اپنے افسران بالا سے انتہائی نرم لہجے میں بات کرکے ساری صورتحال کی وضاحت کرنی چاہئے۔اس تمام صورتحال کو سمجھنے والا کوئی تجربہ کار فرد آپ کی مدد کرنے کے لئے تیار ہوگا۔اس کی مشاورت کے بعد ہی آپ موجودہ حالات و واقعات کا سدباب کرنے میں کامیاب ہو سکیں گے دراصل یہی آپ کی سمجھداری کا امتحان ثابت ہو سکتا ہے۔(اسٹرالوجی۔10جون ،2022ء)

برج سرطان آج کا دن کیسا گزرے گا

آج اپنے کاروباری وعدوں کی تکمیل اور فرائض کی انجام دہی کے لئے اپنا شیڈول بناتے وقت اپنے اہل خانہ کو وقت نہ دے پائیں گے۔اس کی وجہ سے آپ کو اپنے اہل خانہ کی جانب سے سخت قسم کے کلمات سننے کے علاوہ اپنی شریک حیات کی ناراضگی بھی مول لینا پڑے گی۔جبکہ آپ کو یہ اطلاع بھی مل سکتی ہے کہ آپ کو اپنے دوستوں کے ساتھ کسی اہم میٹنگ پر جانا ہے۔آج مکمل طور پر اپنے آپ کو نئے منصوبوں کی جانب نہ صرف متوجہ رکھنا ہوگا بلکہ انہیں زیادہ سے زیادہ وقت دے کر کامیابی کی جانب اپنا سفر بھی شروع کرنا ہوگا۔اپنی خواہش کے مطابق آپ کو اپنا زیادہ تر وقت اپنے ساتھ کام کرنے والے احباب کے ساتھ گزارنا ہی بہتر ثابت ہوگا۔ (اسٹرالوجی۔10جون ،2022ء)

برج اسد آج کا دن کیسا گزرے گا

آج اپنے مالی حالات کی بہتری کے لئے اپنے بڑوں کی باتوں پر عمل کرنے کی کوشش کریں اس کے علاوہ اپنی شریک حیات سے اپنے پیار محبت کے معاملات پر گفتگو کرنے سے قبل پوری طرح سے تیاری کر لیں ورنہ کسی بھی قسم کی غلط فہمی پیدا ہونے سے تعلقات کشیدہ ہو سکتے ہیں۔کسی تجربہ کاربزرگ کی وجہ سے آپ کو اپنے معاملات سدھارنے کا موقع مل سکے گا جس سے فائدہ اٹھانے میں دیر نہ کریں۔جبکہ اپنے ذہنی الجھاؤ کی وجہ سے گزرے ہوئے بہت سے دن آپ کے لئے بہترنہ تھے اور آپکی کوششیں بھی آپ کی توقع کے مطابق بار آور ثابت نہ ہو سکی تھیں ۔آج آپ کو خصوصی توجہ دے کر اپنے ذاتی معاملات کو سمیٹنا ہوگا۔(اسٹرالوجی۔10جون ،2022ء)

برج سنبلہ آج کا دن کیسا گزرے گا

آج اپنے پیاروں کے بارے میں کوئی منفی خبر سننے کی وجہ سے آپ کو اپنا غصہ قابو میں رکھنا مشکل ہو سکتا ہے۔جس سے آپ کی برہمی اپنے ارد گرد موجود افراد سے باہمی تعلقات کو خراب کرنے کا باعث بھی بن سکتی ہے اور آپ کسی لڑائی جھگڑے میں بھی الجھ سکتے ہیں۔اگر آپ نے اپنی بدمزاجی پر قابو نہ پایا تو اپنے اہل خانہ کے علاوہ اپنے دوستوں سے بھی بگاڑ پیدا ہونے کی وجہ سے تنہائی میں گھرجائیں گے۔جس سے مزیدذہنی دباؤ اور پریشانی سامنے آنے سے خود کو بچانا ممکن نہ ہوگا۔ کیونکہ اگر یہی صورتحال بر قرار رہی تو آپ کی ذمہ داریوں اور ذاتی منصوبہ بندی کے درمیان فاصلہ بڑھ سکتا ہے اور یہی چیز آپ کے لئے مزید نقصان کا باعث بن سکتی ہے۔ (اسٹرالوجی۔10جون ،2022ء)

برج میزان آج کا دن کیسا گزرے گا

آج اپنے ان اہم منصوبوں پر کام روک دیں جن میں آپ کو واضح خیالات کے ساتھ ساتھ مکمل طور پر مستعد رہنے اور ذہنی چابکدستی کی ضرورت بھی پیش آ سکتی ہے۔ موجودہ ذہنی الجھاؤ والے حالات میں اپنے پیاروں کے علاوہ اپنے اہل خانہ کی ضروریات کو بھی یاد رکھنے کی کوشش کریں۔علاوہ ازیں اپنی صحت کا خاص خیال رکھیں ورنہ اپنے امور کو جاری رکھنا بھی مشکل ہو جائے گا۔ستاروں کی موجودہ ترتیب کی وجہ سے آپ کی باتیں اس قدرموثر نہیں ہوں گی کہ آپ کسی کو قائل کر سکیں یا اپنے مفادات کے حصول میں کامیاب ہو سکیں ۔اس لئے اپنی کاروباری مصروفیات کو قابو میں رکھیں اور عملی اقدامات کرتے وقت بات چیت سے گریزکریں۔(اسٹرالوجی۔10جون ،2022ء)

برج عقرب آج کا دن کیسا گزرے گا

آج آپ کو اپنے وقت کا بہتر استعمال یقینی بنانے کیلئے اپنے طے کردہ شیڈول پر توجہ دینی ہوگی اور اپنے امور کی ترجیحات بھی طے کرنی ہونگی۔اپنے اردگرد موجود افراد سے مشاورت کرنے کے بعد ہی اپنے عملی اقدامات کا آغاز کرنیکی کوشش کریں۔شام میں کچھ مہمان دوسرے شہر سے بھی متوقع ہیں جنکی معیت میں آپ بہت اچھا وقت گزار سکیں گے۔اگر آج آپ کچھ نیا یا منفرد انداز میں کرنا چاہ رہے ہیں تو وہ سب حالات کی وجہ سے ممکن نہ سکے گا لہٰذا اپنے جذبات پر قابو رکھیں تاکہ ملنے وا لے مو اقع کی وجہ سے سر خرو ہو سکیں۔آج غور کرنے سے معلوم ہو گا کہ آپ کی ذمہ داریوں اور فرائض میں کتنی قرابت ہے اوریہی بات آپ کو دوسروں سے ممتاز کریگی ۔(اسٹرالوجی۔10جون ،2022ء)

برج قوس آج کا دن کیسا گزرے گا

آج اپنی توجہ کو اپنے موضوع پر مرکوز کرناممکن نہ ہوگا اس لئے اپنے پیشہ ورانہ معاملات میں کوئی تبدیلی لانے یا کسی سینئر کی اصلاح کرنے کی کوشش نہ کریں لیکن اس کے باوجود آپ اپنے کام کی جگہ پر پیداہونے والے کسی اختلاف کو ختم کرنے میں کامیاب ہو جائیں گے جبکہ اپنے جذباتی یا پیار بھرے معاملات کے بارے میں اپنے اندر لچک پیدا کرنے کی کوشش کریں اور باہمی ہم آہنگی سے کام لے کر حالات کو مدنظر رکھتے ہوئے ہی کسی بھی فیصلے پر پہنچنے کی کوشش کریں ۔شام میں اپنے دوستوں سے ملنے ملانے کا پروگرام بھی بنا سکتے ہیں لیکن اس کے لئے وقت نکالنا مشکل ہوگا۔جس حد تک ممکن ہو اپنے معاملات میں محتاط رہیں۔(اسٹرالوجی۔10جون ،2022ء)

- Advertisement -

Related articles

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts