spot_img
Monday, August 15, 2022
spot_img

-

ہومLatest Newsکراچی: موسلا دھار بارشوں کے چوتھے اسپیل کی پیشگوئی، انتظامیہ کی بے...

کراچی: موسلا دھار بارشوں کے چوتھے اسپیل کی پیشگوئی، انتظامیہ کی بے حسی عروج پر

- Advertisement -
- Advertisement -

کراچی میں تیس جولائی سے موسلا دھار بارشوں کے چوتھے اسپیل کی پیش گوئی کی جارہی ہے، لیکن شہر میں نکاسی آب کا مؤثر نظام ہی موجود نہیں۔

چند روز قبل ہوئی بارش کا پانی تاحال سڑکوں پر موجود ہے، متعدد علاقے انتظامیہ کی نااہلی کی داستان سنا رہے ہیں۔

پورے ملک کو پالنے اور معیشت کا پہیہ چلانے والے شہرِ قائد کے لیے انتظامیہ کی بے حسی عروج پر ہے۔

بارش ہوئے چار روز گزر گئے، لیکن شہر کے مختلف علاقے اب بھی پانی میں ڈوبے ہوئے ہیں حالیہ بارشوں نے کراچی کا حلیہ ہی بگاڑ کر رکھ دیا ہے۔

ناظم آباد سے گولیمار، پٹیل پاڑہ سے گرو مندر، صدر، آئی آئی چندریگر روڈ سمیت ڈیفنس کے کئی علاقوں میں پانی اب تک کھڑا ہے۔

شہر میں نکاسی آب کا کوئی انتظام نہیں، واٹر بورڈ حکام نے بھی ڈیزل نہ ہونے کا جواز دے کر ہاتھ کھڑے کردیے ہیں۔ شہری سندھ حکومت کے ناقص انتظامات پر بھڑک رہے ہیں۔

ادھربرنس روڈ، جامع کلاتھ اور اطراف کے علاقوں کا حال بھی کچھ الگ نہیں۔ سندھ ہائیکورٹ جانے والے سائلین بھی اذیت کا شکار ہیں۔

مسائل سے تنگ شہری حکام سے مستقل حل کا مطالبہ کر رہے ہیں۔

راہگیروں کے ساتھ دکاندار بھی پانی کے باعث کاروبار متاثر ہونے کا شکوہ کررہے ہیں۔

محکمہ موسمیات نے مون سون کے چوتھے اسپیل کی 30 جولائی سے کراچی میں داخل ہونے کی پیش گوئی کر رکھی ہے، تاہم شہری بلدیاتی نمائندوں کی کارکردگی کو لے کر کوئی اچھی امید نہیں رکھتے۔

- Advertisement -

Related articles

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts