spot_img
Friday, October 7, 2022
spot_img

-

ہومLatest Newsممنوعہ فنڈنگ کیس: جواب جمع کرانےکیلئے پی ٹی آئی کو مزید 2...

ممنوعہ فنڈنگ کیس: جواب جمع کرانےکیلئے پی ٹی آئی کو مزید 2 ہفتےکی مہلت مل گئی

- Advertisement -
- Advertisement -

اسلام آباد : الیکشن کمیشن نے پاکستان تحریک انصاف (پی ٹی آئی) کو ممنوعہ فنڈنگ کیس میں جواب جمع کرانےکے لیے مزید 2 ہفتے کی مہلت دے دی۔

 الیکشن کمیشن میں  پی ٹی آئی ممنوعہ فنڈنگ کیس کی سماعت ہوئی، چیف الیکشن کمشنر سکندر سلطان راجہ کی سربراہی میں 4 رکنی بینچ نے کیس کی سماعت کی۔

پی ٹی آئی کے وکیل شاہ خاور  الیکشن کمیشن کے سامنے پیش ہوئے، ان کا کہنا تھا کہ گزشتہ سماعت پر ہم نے 4 ہفتے کی مہلت مانگی تھی، پی ٹی آئی غیرملکی چیپٹرز سے معلومات مانگی ہے اسے موصول ہونے میں وقت لگےگا۔

چیف الیکشن کمشنر کا کہنا تھا کہ دو ہفتے تو گزر گئے ہیں، ممبر الیکشن کمیشن نے کہا کہ پہلے ہی اس کیس کی سماعت 8 سال چلی تھے۔

وکیل پی ٹی آئی شاہ خاور کا کہنا تھا کہ معلومات بہت اہم ہیں، جو  پاکستانی ڈونرز ہیں ان کے نائیکاپ اور  دیگر دستاویزات منگوائی ہیں۔

الیکشن کمیشن نے پی ٹی آئی کو مزید 2 ہفتےکی مہلت دے دی، چیف الیکشن کمشنر نے کہا کہ اپنے جواب پہلے جمع کرا دیں تاکہ اگلی سماعت پر دلائل شروع ہوسکیں۔

کیس کی سماعت 19 ستمبر تک ملتوی کردی گئی۔

- Advertisement -

Related articles

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts