spot_img
Tuesday, September 27, 2022
spot_img

-

ہومانٹرٹینمینٹواٹس ایپ کا وہ حیرت انگیز فائدہ جو آپ نے کبھی سوچا...

واٹس ایپ کا وہ حیرت انگیز فائدہ جو آپ نے کبھی سوچا بھی نہیں ہوگا

- Advertisement -
- Advertisement -

واٹس ایپ تو دنیا بھر میں کروڑوں افراد استعمال کرتے ہیں مگر اس کے ایک حیرت انگیز فائدے کا علم انہیں نہیں ہوگا۔

میٹا کی زیرملکیت ایپ شادی شدہ جوڑوں کا رشتہ بچانے میں بھی مددگار ثابت ہوسکتی ہے۔

یہ دلچسپ دعویٰ ایک نئی تحقیق میں سامنے آیا۔

جرنل نیو میڈیا اینڈ سوسائٹی میں شائع تحقیق میں دریافت کیا گیا کہ یہ ایپ جوڑوں کے لیے لڑائی اور صلح کا بہترین مقام ثابت ہوسکتی ہے۔

ویسے جھگڑے کے لیے اچھا مقام سننے میں تو اچھا نہیں لگتا مگر محققین کا کہنا تھا کہ واٹس ایپ سے لوگوں کو اپنے شریک حیات کا نکتہ نظر سمجھنے میں مدد ملتی ہے۔

اسی طرح ایموجیز سے جذبات اور غصے کا اظہار زیادہ بہتر طریقے سے کرنا ممکن ہوتا ہے۔

محققین نے کہا کہ واٹس ایپ چیٹ رشتے کو بچانے میں مددگار ثابت ہوسکتی ہے۔

اس تحقیق میں 35 سے 50 سال کی عمر کے ایسے 18 جوڑوں کو شامل کیا گیا تھا جن کی شادی کو 5 سال کا عرصہ ہوچکا تھا۔

اس کے بعد دیکھا گیا کہ جھگڑے کی صورت میں ان جوڑوں کی جانب سے کس طرح کے رویے کا اظہار کیا جاتا ہے جیسے سرد مہری، جذباتی انداز یا دیگر۔

پھر یہ دیکھا گیا کہ یہی جھگڑا میسجنگ ایپ میں کرنے سے تعلق پر کیا اثرات مرتب ہوتے ہیں۔

نتائج سے معلوم ہوا کہ حقیقی زندگی میں جوڑے جھگڑے کے بعد ایک دوسرے سے بات کرنا چھوڑ سکتے ہیں مگر میسجنگ ایپ پر ایک دوسرے کے پیغامات کو کئی بار پڑھتے ہیں تاکہ نکتہ نظر کو سمجھ سکیں۔

محققین نے کہا کہ 1960 یا 1970 کی دہائی میں پیدا ہونے والے افراد ڈیجیٹل طریقوں کی بجائے براہ راست بات کرنا زیادہ بہتر سمجھتے ہیں، مگر ہم نے دریافت کیا کہ ضروری نہیں یہ خیال واقعی درست ہو۔

انہوں نے کہا کہ واٹس ایپ سے زندگی بھر کے اس رشتے کو مضبوط بنانے کے لیے ایک اضافی پلیٹ فارم مل جاتا ہے۔

- Advertisement -

Related articles

Stay Connected

6,000مداحپسند
300فالورزفالور
3,061فالورزفالور
400سبسکرائبرزسبسکرائب کریں

Latest posts